"Барса" Альваресни олишнинг янги усулини топди

«Атлетико» (Мадрид) ҳужумчиси Хулиан Альварес яқин вақтларда «Барселона» сафини тўлдириши мумкин. Бу ҳақда Fichajes нашри хабар бермоқда.

Манба маълумотича, «Барселона» Альваресни қўлга киритиш учун алмашув вариантларини кўриб чиқмоқда. Каталония клуби «матрасчилар»га Френки де Йонг, Алехандро Бальде ёки Дани Ольмони таклиф қилиши мумкинлиги айтилмоқда. Шу билан бирга, ҳозирча бу борада расмий музокаралар бошланмагани таъкидланади.

Эслатиб ўтамиз, «Барселона» ёзги трансфер ойнасининг ўзидаёқ Альваресни сотиб олишга уринган, аммо «Атлетико» жамоанинг етакчи футболчисини сотишдан бош тортган эди.

Жорий мавсумда 26 ёшли аргентиналик форвард барча мусобақалар доирасида тўртта ўйинда майдонга тушиб, бир голли узатма муаллифига айланди.