"Барса" Аргентина қаҳрамонини нишонга олди

Италиянинг амалдаги чемпиони «Интер» клуби ва Аргентина терма жамоаси ҳужумчиси Лаутаро Мартинес фаолиятини Испанияда давом эттириши мумкин. 

Бу ҳақда ElNacional.cat нашри хабар бермоқда.

Манба маълумотича, «Барселона» аргентиналик форвардни ўз трансфер рўйхатига киритган ва унинг хизматларига жиддий қизиқиш билдирмоқда. Қайд этилишича, каталонияликлар бир неча йил олдин ҳам Лаутарони олишга уринган, аммо ўшанда келишув амалга ошмай қолган эди.

Эслатиб ўтамиз, жаҳон чемпионати ярим финалида Лаутаро Мартинес захирадан майдонга тушиб, қўшимча дақиқаларда Лионель Месси узатмасидан ғалаба голини урган ва Аргентина терма жамоасини финалга олиб чиққан эди.