"Барса" айрим юлдузларини сотади

«Барселона» қишки трансфер ойнасидан то ёзгача жамоа таркибини жиддий қайта кўриб чиқиши мумкин. Журналист Маттео Мореттонинг ёзишича, клуб айрим асосий футболчилар бўйича келиб тушадиган таклифларни кўриб чиқишга тайёр.

Айни пайтда жамоани тарк этиши мумкин бўлган энг асосий номзодлардан бири – ҳимоячи Жюль Кунде. Франция терма жамоаси аъзоси бўлган бу футболчига Англия чемпионати клублари жиддий қизиқмоқда. Хусусан, уни ўз сафига қўшиб олиш истагида «Челси» ва «Ливерпуль» борлиги айтилмоқда.

Шу билан бирга, «Барселона» кетиши мумкин бўлган юлдузлар ўрнини тўлдиришни ҳам режалаштирмоқда. Каталония клуби молиявий имкониятларини яхшилаб, янги футболчиларни жамоага қўшиб олишни кўзламоқда.