"Барса" Балдедан воз кечди

«Барселона» клуби раҳбарияти 22 ёшли ҳимоячи Алехандро Бальдени қишки трансфер ойнасида ижарага беришга тайёр, деб хабар бермоқда Sports.kz TEAMtalk манбасига таяниб.

Манба маълумотига кўра, каталонияликлар футболчининг вакилларига янги жамоа қидиришга рухсат берган. Бальдени ижарага олиш имкониятини «Манчестер Юнайтед» кўриб чиқмоқда. Бу клуб ёздаёқ ёш испан ҳимоячисига қизиқиш билдирган эди. «Юнайтед» раҳбарияти Бальденинг салоҳиятини юқори баҳолаб, уни айнан ижара орқали Англия чемпионатида синаб кўришни, шу тариқа дарҳол тўлиқ трансферга мажбур бўлмасликни истамоқда.

Ҳимоячини ўз сафига қўшиб олиш бўйича таклиф «Ливерпуль»га ҳам етказилган. Шунингдек, воситачилар «Сандерленд», «Эвертон» ва «Фулҳэм» клублари билан ҳам алоқа ўрнатган. Бальденинг ўзи Англияга кўчиб ўтиш ғоясига қарши эмас, бироқ эҳтимолий битим шартлари ҳозирча аниқ эмас.

Жорий мавсумда испаниялик футболчи «Барселона» асосий таркибида фақат битта ўйинда майдонга тушган. Ханс-Дитер Флик қўл остида у асосий таркибдаги ўрнини йўқотган. Бальденинг клуб билан амалдаги шартномаси 2028 йилгача мўлжалланган, аммо ҳозирча уни узайтириш бўйича музокаралар олиб борилмаяпти.