"Барса" Ферранни сотмоқчи эмас!

«Барселона» ҳозирча Ферран Торресга ишонч билдиришда давом этмоқда ва уни ёзги трансфер ойнасида сотиш режаси йўқ.

Mundo Deportivo маълумотига кўра, клубга ҳозиргача на ПСЖ, на футболчи тарафи расмий таклиф ёки сўров йўллаган.

26 ёшли ҳужумчи ПСЖ бош мураббийи Луис Энрикега маъқул тушгани айтилмоқда. Шу билан бирга, «Барса»нинг позицияси аниқ: Агар Торрес жамоани тарк этиш имкониятини кўриб чиқса, бу ҳақда шахсан раҳбариятга мурожаат қилиб, трансфер сўрашини клуб кутмоқда.

Ферран ҳозирча жаҳон чемпионатидан кейинги таътилда. У финалда Аргентинага қарши ўйинда гол уриб, Испанияга тарихидаги иккинчи жаҳон чемпиони унвонини таъминлаб берган эди. Торрес 10 август куни «Барселона» ихтиёрига қайтиб, машғулотларга қўшилиши кутилмоқда.

Футболчининг амалдаги шартномаси 2027 йил ёзигача мўлжалланган. Каталония клуби уни узайтириш ниятида. Музокараларни сентябр ойида – трансфер ойнаси ёпилгандан кейин бошлаш режалаштирилган. Бу орқали молиявий фэйр-плей қоидалари бўйича ортиқча муаммолар келиб чиқмаслиги кўзда тутилмоқда.

Шартнома узайтирилган тақдирда, «Барселона» 2022 йилдаги келишув шартларига мувофиқ «Манчестер Сити»га яна 8 миллион евро тўлаши керак бўлади.

Ферран Торрес «Барселона» таркибида 207 ўйин ўтказиб, 65 та гол урган. Ўтган мавсум эса унинг клубдаги энг самарали йили бўлди – 49 учрашувда 21 марта рақиб дарвозасини ишғол этди.