"Барса"га бу юлдузни бермаймиз!

«Интер» раҳбарияти Лаутаро Мартинес трансфери юзасидан «Барселона» билан музокараларга чиқиш ниятида эмас.

Diario AS нашри ёзишича, миланликлар аргентиналик ҳужумчини сотиш вариантини умуман кўриб чиқмаётганини аниқ билдирган.

Аввалроқ Каталония клуби Мартинесни ҳужум чизиғини кучайтириш учун асосий номзодлардан бири сифатида кўраётгани ва уни сотиб олишга тахминан 100 миллион евро сарфлашга тайёр экани ҳақида хабарлар тарқалган эди. 

Бироқ «Интер» позицияси кескин: клуб 29 ёшли форвардни молиявий таклифлардан қатъи назар қўйиб юборишни истамайди.

Ўтган мавсум Италия чемпионатида Лаутаро 30 ўйинда майдонга тушиб, 17 та гол урди ва 6 та голли узатма берди.