"Barsa" himoyachisi yanvarda ketadigan bo'lyapti

Erik Garsiya qishda jamoasini almashtirishi mumkin. «Barselona» tarkibida harakat qilayotgan 25 yoshli markaziy himoyachi Erik Garsiya uchun Evropaning bir qator top-klublari kurash olib bormoqda. Futbol bo‘yicha insayder Ekrem Konurning yozishicha, himoyachiga Fransiyaning «PSJ» va Italiyanning «Inter» jamoalari jiddiy qiziqish bildirmoqda.

Manbaga ko‘ra, Erik Garsiyani Angliya premyer-ligasi klublari ham kuzatib bormoqda. Jumladan, «Tottenhem», «Nyukasl» va «Aston Villa» rahbariyati qishki transfer oynasida futbolchini qo‘lga kiritish imkoniyatini o‘rganayotgani aytilmoqda.

«Barselona» himoyachini saqlab qolish tarafdori, biroq katta moliyaviy takliflar kelib tushsa, ularni ko‘rib chiqishga tayyor. 

Kataloniya klubi Erik Garsiya uchun taxminan 50–55 million yevro atrofidagi takliflarni muhokama qilishga rozi bo‘lishi mumkin.

Erik Garsiya «Barselona»ga «Manchester Siti»dan o‘tgan edi. Joriy mavsumda u klub safida uchta o‘yinda maydonga tushdi va hali gol yoki golli pas bilan ajralib tura olgani yo‘q.