"Барса" жаҳон чемпионатининг икки карра совриндорини трансфер қилди

«Фенербахче» дарвозабони Доминик Ливакович фаолиятини «Барселона»да давом эттиради.

Маълумотларга кўра, испанияликлар 31 ёшли дарвозабон учун икки миллион евро тўлайди, яна икки миллион евро эса турли бонуслар кўринишида берилиши режалаштирилган.

Манбаларга кўра, яқин кунларда Ливакович бошқа жамоага ижарага берилади. Кейинги ёздан эса Войцех Шченсни жамоани тарк этганидан сўнг «Барселона»нинг захира дарвозабонига айланиши кутилмоқда.

Доминик Ливакович профессионал карьераси давомида Хорватиянинг «Загреб» ва «Динамо» (Загреб), Туркиянинг «Фенербахче», шунингдек, Испаниянинг «Жирона» клубларида тўп сурган. У Хорватия терма жамоаси таркибида икки бор жаҳон чемпионати совриндори бўлган: 2018 йилда кумуш, 2022 йилда эса бронза медалларини қўлга киритган.