"Барса" катта йўқотишга учради

«Барселона» ярим ҳимоячиси Гави Испания чемпионати иккинчи турида «Эльче»га қарши ўйинда жароҳат олди. Каталония клуби майдонни йирик 5:0 ҳисобида тарк этди, аммо 21 ёшли футболчи учрашувни охиригача давом эттира олмади.

Гави тиззасидан жароҳат олиб, ўйинни ташлаб чиқишга мажбур бўлди. 45-дақиқада унинг ўрнига майдонга Педри туширилди.

Учрашув якунланганидан сўнг «Барселона» бош мураббийи Ханс-Дитер Флик футболчининг аҳволи ҳақида маълумот берди.

«Тизза жароҳати. Ҳозирча кутамиз. Жароҳат олган пайтда ўйлаганимиздан бироз яхшироқ кўринади. Ўйиндан кейин ҳолати анча яхшиланди. МРТ текшируви ўтказамиз ва шундан сўнг аниқроқ маълумот бўлади», — деди Флик. Унинг сўзларини инсайдер Фабрицио Романо келтирди.

Эслатиб ўтамиз, Гави 2023 йилда ҳам жиддий тизза жароҳати олган эди — ўшанда испаниялик футболчининг олдинги чорраҳа боғламлари узилгани аниқланган.