"Барса": Кетавер, ўрнингга зўри бор

«Барселона» қишки трансфер ойнасида 26 ёшли италиялик ҳимоячи Андреа Камбьязони «Ювентус»дан олиб келиш вариантларини кўриб чиқмоқда. 

Бу ҳақда Calciomercato нашри хабар берди. Маълумотларга кўра, бу трансфер Алекc Бальденинг жамоани тарк этишига боғлиқ бўлади.

Манбанинг ёзишича, айнан «Ювентус»нинг ўзи Бальдега жиддий қизиқиш билдирган. «Барселона» ёш испанияликни 40–50 миллион евро атрофида баҳоламоқда. Камбьязо эса туринликлар томонидан тахминан 30 миллион евро эвазига сотилиши мумкин. Шу билан бирга, Бальде учун «Ювентус» ягона манзил эмас — қишда у «Рома» клубига ҳам ўтиши эҳтимоли бор.

Камбьязо 2023 йилдан буён «Ювентус» шарафини ҳимоя қилмоқда, унгача у «Болонья» таркибида тўп сурган. Жорий мавсумда италиялик ҳимоячи туринликлар сафида олти ўйинда майдонга тушиб, бир марта голли пас берган.