"Барса" муҳим трансферни тасдиқлади

Каталониянинг машҳур «Барселона» клуби президенти Жоан Лапорта Дортмунднинг «Боруссия» жамоасида тўп суриб келаётган ярим ҳимоячи Карим Адейеми трансфери бўйича изоҳ берди.

- Карим жуда тезкор, юқори савиядаги футболчи. Унинг ўйинларини анча вақтдан бери кузатиб келаётгандик. Каримни жамоамизга қўшиб олаётганимиздан мамнунмиз. 

Деку бу борада катта иш қилди, – дея Жоан Лапортанинг сўзларини инсайдер Фабрицио Романо келтирган.

ОАВда тарқалган маълумотларга кўра, «Барселона» Адейеми учун «Боруссия»га 22 миллион евро тўлайди. Яна етти миллион евро турли бонуслар кўринишида мўлжалланган. Футболчи билан беш йиллик узоқ муддатли шартнома имзоланиши кутилмоқда.