"Барса"нинг супертрансфер бўйича икки таклифи рад этилди

«Борнмут» клуби ҳужумчи Эли Крупи бўйича «Барселона»дан келган икки таклифни рад этди. Бу ҳақда француз нашри L’Équipe хабар берди.

Манба маълумотларига кўра, инглиз клуби каталонияликлар томонидан юборилган икки таклифни кўриб чиққан, аммо ҳар иккиси ҳам 100 миллион евро миқдорига етмагани учун маъқулланмаган. 

Шу билан бирга, футболчининг ўзи «Барселона» сафига қўшилиш истагини билдиргани, бу ҳақда яқинларига айтгани қайд этилмоқда. Интернет тармоқларида эса унинг болаликда каталонияликлар формасида тушган сурати тарқалган.

Ўтган мавсумда Эли Крупи «Борнмут» таркибида 35 ўйинда майдонга тушиб, 13 та гол урди. Transfermarkt портали баҳосига кўра, ҳужумчининг бозор қиймати 70 миллион еврони ташкил этади. Унинг клуб билан амалдаги шартномаси 2030 йил ёзигача мўлжалланган.