“Барса” сардорини бошқа жамоа сўради

“Барселона” жамоаси сардори Марк-Андре тер Штеген клубни тарк этиши кутилмоқда. Айни пайтда немис голкипери асосий таркибдаги жойини йўқотган ва ўйин амалиётисиз қолиб кетяпти.

Sport.es сайтининг ёзишича, Туркия чемпионати вакили “Бешиктош” раҳбарияти тер Штегеннинг агентлари ва “Барселона” мутасаддилари билан боғланди. Турклар Марк-Андрени жамоага кўчиб тишга кўндиришга ҳаракат қиляпти.

“Бешиктош” январь ойида 33 ёшли дарвозабонни ижарага олмоқчи ва маошини тўлиқ қоплашга тайёрлигини билдирган.

Марк-Андре тер Штегеннинг ўзи “Барселона”даги келажаги бўйича ҳали якуний қарорга келгани йўқ. Айни пайтда у жароҳатидан тикланиш билан банд. Дарвозабоннинг клуб билан амалдаги шартномаси 2028 йилнинг ярмигача давом этади.

Марк-Андре тер Штеген 2026 йилги жаҳон чемпионатида иштирок этиш учун мавсумнинг қолган қисмида мунтазам ўйин амалиётига эга бўлиши талаб этилади.