"Барса" зўр ўйинчини "Сити"дан топди
Европа грандлари бу футболчи учун курашга тайёр
Европанинг етакчи клублари «Манчестер Сити» таркибида тўп суриб келаётган ҳимоячи Райан Аит-Нури учун рақобатга киришиши кутилмоқда.
Оммавий ахборот воситалари тарқатаётган хабарларга кўра, ҳозирда футболчи хизматларига «Барселона» жиддий қизиқиш билдирмоқда.
Бундан аввалроқ Аит-Нурини ўз сафига қўшиб олиш ниятида «Манчестер Юнайтед» ҳам борлиги ҳақида маълумотлар пайдо бўлган эди. Ҳимоячининг «Сити» билан амалдаги шартномаси 2030 йил ёзигача мўлжалланган. Transfermarkt портали футболчининг бозор қийматини 35 миллион евро атрофида баҳоламоқда.
Эслатиб ўтамиз, Райан Аит-Нури 2025 йили «Вулверхэмптон» клубидан «Манчестер Сити»га ўтган. Ундан олдин футболчи бир неча мавсум давомида «Вулверхэмптон» шарафини ҳимоя қилган.
Изоҳлар (0)