“Барса” тарихидаги энг қудратли таркиб тузилди

“Барселона” ташкил топганининг 125 йиллиги муносабати билан АҚШнинг ESPN спорт портали Каталония клуби тарихида ўйнаган энг зўр футболчилардан иборат рамзий жамоа таркибини тузиб чиқди.

У қуйидагича кўриниш олди.

Дарвозабон: Виктор Вальдес.

Ҳимоячилар: Дани Алвес, Роналд Куман, Карлес Пуйоль.

Ярим ҳимоячилар: Хави Эрнандес, Андрес Иньеста, Луис Суарес Мирамонтес, Йохан Круифф.

Ҳужумчилар: Лионель Месси, Ладислао Кубала, Роналдиньо.

“Барселона” ўз тарихи давомида 27 маротаба Испания чемпиони, 31 маротаба мамлакат кубоги соҳиби, 14 карра Суперкубог ғолиби бўлган.

Шунингдек, 5 маротабадан Европа Чемпионлар лигаси ва УЕФА Суперкубоги ғолиби,  уч карра клублар ўртасидаги жаҳон чемпионати  ғолиби бўлган.