“Барса” устози: “Қариялар”га осон эмас!

“Барселона” бош мураббийи Ханс-Дитер Флик каталонияликларнинг 36 ёшли тўпурари Роберт Левандовкини жаҳон футболида энг кўп гол урган 40 ёшли Криштиану Роналду билан солиштирди.

- Бу ёшда юқори даражада ўйнай олиш осон эмас. Бу бир томондан жисмоний тайёргарликка, иккинчи томондан эса, ёши катта ўйинчининг  ўзига ва организмига бўлган алоҳида эътиборга боғлиқ.

Криштиану Роналду каби Левандовски ҳам ажойиб жисмоний тайёргарликка эга. Роберт профессионалларга хос фаолият олиб боради, максимал натижага эришиш учун барча омилларни ҳисобга олади ва оргазмини назорат қилади, - деди Ханс Дитер Флик.

Левандовски жорий мавсумда барча турнирларда 46 та учрашувда иштирок этиб, рақиблар дарвозасини 40 маротаба ишғол қилди ва учта голли пас узатди.

Криштиану Роналду “Ан-Наср” таркибида 35 та баҳсда ўз ҳисобига 32 та гол ёздириб қўйди ва жамоадошларига тўртта голли пас узатиб берди.