“Барса” ва “Ливерпуль” ФИФАдан хушхабар кутяпти

Халқаро футбол уюшмалари федерацияси – ФИФА ўзининг расмий сайти орқали 2025 йили клублар ўртасидаги жаҳон чемпионатидан Мексиканинг “Леон” жамоасини четлатганини маълум қилди.

Мусобақа регламентига кўра, бир компания эгалик қилувчи икки жамоа бир пайтнинг ўзида клублар иштирокидаги жаҳон чемпионатида қатнаша олмайди.

Жаҳон чемпионатида Мексика шарафини “Пачука” ва “Леон” футболчилари ҳимоя қилиши кўзда тутилган эди. ФИФА Тартиб-интизом ва Апелляция қўмиталари ўрганиш ўтказиб, ҳар икки жамоа бир компанияга тегишли эканини аниқлаган ва бунинг оқибатида “Леон”ни иштирокчилар рўйхатидан чиқарди.

Энди “Леон” ўрнига бошқа жамоа танланади.

ФИФА ҳали янги иштирокчи масаласида якуний қарорга келгани йўқ. Sport.es сайти бу жамоа Европа вакиллари – “Барселона” ёки “Ливерпуль” бўлиши кутилаётганини маълум қилди.

Клублар ўртасидаги жаҳон чемпионати шу йилнинг 15 июнидан 13 июлига қадар АҚШда ўтказилади.