“Барса” ва Рафинья келишолмай қолди

Бразилиялик ҳужумкор футболчи Рафинья жорий мавсумда “Барселона” сафида асосий фигуралардан бирига айланди.

Ўз самарадорлиги билан каталонияликларга катта фойда келтираётган юлдузга бадавлат клублардан чорловлар тингани йўқ. Бироқ “Барса” бу ўйинчи билан ҳамкорликни узайтиришга ҳаракат қиляпти.

Рафиньянинг амалдаги шартномаси 2027 йилнинг ёзигача тузилган. Раҳбарият уни узоқроқ муддатга олиб қолмоқчи.

Sport.es нашрининг маълум қилишича, музокаралар давомида томонлар шартноманинг муҳим бандлари бўйича келиша олмай қолди.

Биринчидан, клуб ва футболчи ҳамкорлик муддати бўйича бир тўхтамга кела олмаяпти. “Барселона” амалдаги шартномаси 1+1 кўринишида узайтирмоқчи. Рафиньянинг агентлари муддатни тўғридан тўғри икки йил қилиб белгилашни талаб қилмоқда.

Иккинчидан 28 ёшли футболчини клуб таклиф қилаётган маош миқдори қониқтиргани йўқ. Агентлар клуб хизмат ҳақини кўтариши кераклигини таъкидлаяпти.