"Барса" Ямалсиз ўйнай олмаслиги исботланди

Жорий мавсумда каталониялик «Барселона» саккизта ўйин ўтказди ва барчасида ғалаба қозонди. Қизиғи шундаки, ушбу саккиз учрашувнинг барчасида Ламин Ямал асосий таркибда майдонга тушган. 

Ҳозирча Ламин мавсум бошидан буён ҳар бир ўйинни биринчи дақиқадан бошлаган жамоадаги ягона футболчига айланган. 

Испания чемпионати доирасидаги навбатдаги баҳсда «Барселона» сафарда Севильянинг «Бетис» клубига қарши майдонга тушади. Шу билан бирга, жамоа яқин кунлар ичида Европа майдонида ҳам муҳим ўйин ўтказади – Чемпионлар лигасида Туркиянинг «Галатасарай» клубига қарши беллашув режалаштирилган.

Ламин Ямалнинг «Барселона» асосий жамоасидаги йўли эса анча олдин бошланган. У биринчи марта катта жамоа сафида 2023 йил 29 апрель куни майдонга тушган, ўшанда у захирадан майдонга қўшилган эди. Шу тариқа, унинг «Барселона» таркибида дебютига уч ярим йилдан ортиқ вақт бўлди.