“Барса” юлдузи Роналдунинг жамоадошига айланиши мумкин

Илкай Гюндоган Криштиану Роналду билан бирга тўп тепиши мумкин.

"365Scores" портали хабарига кўра, "Барселона" германиялик ярим ҳимоячи хизматларини "Ан-Насср"га таклиф қилган. Гюндоганнинг  ўзи “Манчестер Сити”га қайтмоқчи.

Олдинроқ Гюндоган “Барселона” раҳбариятини клубни тарк этиш истаги ҳақида хабардор қилгани ва ўзининг собиқ жамоаси билан боғлангани ҳақида маълумот пайдо бўлганди. “Шаҳарликлар” ярим ҳимоячининг қайтишини истисно қилмаяпти. Ўз навбатида, Каталония клуби Дани Олмо келгани ва янги келганларни рўйхатдан ўтказиш учун ўйинчиларни сотиш зарурати туфайли ярим ҳимоячининг кетишига қарши эмас.

Гюндоганнинг "Барселона" билан шартномаси 2025 йилда тугайди ва яна бир йилга узайтирилиши мумкин.