“Барса” юлдузи Роналдунинг ёнига боради

“Барселона”га керак бўлмай қолган ўйинчилардан Андреас Кристенсен келаси мавсумни Европадан ташқарида бошлаши мумкин.

Sport.es сайтининг ёзишича, тажрибали марказий ярим ҳимоячига Саудия Арабистонининг “Ан-Наср” клуби жиддиц қизиқиш билдирмоқда. Риёдликлар жамоа юлдузи Криштиану Роналдунинг талабини бажариб, таркибни совринлар учун курашадиган даражада кучайтирмоқчи.

Саудияликлар 29 ёшли даниялик футболчининг маошини ҳозир олаётганидан икки бараварга ошириб бермоқчи. Каталония клуби мутасаддилари асосий таркибдаги жойини  йўқотган Кристенсеннинг кетишига қаршилик кўрсатмайди.

Кристенсен якунланган мавсумда жароҳат туфайли барча турнирларда атиги олти маротаба майдонга тушди. Ҳимоячининг ўзи “Барселона”да шартномасини тўлиқ бажармоқчи. Унинг битими якунланишига яна бир йил бор.

Бироқ “Ан-наср” таклиф этаётган шароитлар ва “Барселона” футболчига янги шартнома бермасликка қарор қилгани Кристенсеннинг танловига таъсир ўтказиши эҳтимоли каттилиги айтиляпти.