Испаниянинг амалдаги чемпиони “Барселона”нинг 20 ёшли швециялик вингери Руни Бардгджи ўз келажагини “Камп Ноу”да кўряпти ва асосий таркибга кириш учун курашишини билдирди.
El Nacional нашри хабарига қараганда, Бардгджи январь ойида бошқа клубга ижарага кетиш вариантини қабул қилмаган ва Каталонияда қолишини таъкидлаган.
Истеъдодли футболчини Англия Премьер-лигасининг бир неча клублари, жумладан, “Кристал Пэлас”, “Брайтон” ва “Эвертон” ижарага сўраган эди.
Руни Бардгджи барча чорловларга рад жавобини беряпти.
“Барселона” Бардгджини жорий йилнинг ёзида сотиб олган эди. Ўшандан бери у барча мусобақаларда 13 та ўйинда майдонга тушиб, битта гол урди ва иккита голли узатмани амалга оширди.
Вингернинг каталонияликлар билан амалдаги шартномаси 2029 йилнинг ёзигача мўлжалланган. Transfermarkt экспертлари швед футболчисининг трансфер қийматини ўн миллион еврога баҳоламоқда.
Фикрлар