“Барса”ни тез орада тўрт футболчи тарк этади

“Барселона” мутасаддилари таркибни тозалаш мақсадида мураббийлар штабининг режасига киритилмаган футболчиларни сотиб юбориш ҳаракатларини бошламоқда.

Маълумотларга қараганда, клуб раҳбарияти қарорига кўра, биринчи бўлиб жамоани  ярим ҳимоячи Миралем Пьянич ва ҳимоячи Хуниор Фирпо сотиб юборилади. Кейин ҳужумкор футболчи Франсишку Тринкау ва майдон марказида ўйнайдиган Матеус Фернандес бошқа жамоаларга ижарага берилади. Бу ёш футболчилар кейинчалик каталонияликларга керак бўлиши мумкин.

Аслида Хуниор Фирпо 32 ёшли Жорди Альбанинг ўринбосари бўлиши керак эди. Бироқ, ёш футболчи мураббийлар ишончини қозона олмади. Миралем Пьянич ҳам ёзда “Ювентус”дан ўтганидан бери кутилган ўйинни намойиш қилгани йўқ.