"Барселона" Флик ўрнига янги мураббий топди

«Барселона» клуби келгуси йилларда жамоага қайси мутахассис бошчилик қилиши мумкинлигини аниқлаб олгани ҳақида маълумот тарқалди. Бу ҳақда журналист Грэм Бэйли хабар бермоқда.

Манбага кўра, каталонияликлар ҳозирда «Арсенал» бош мураббийи Микель Артета номзодини келажакдаги бош мураббий сифатида кўриб чиқмоқда. 

Шу билан бирга, клуб раҳбарияти ҳозирги мураббий Ханс-Дитер Фликнинг ишидан тўлиқ қониққан.

Эслатиб ўтамиз, Ханс-Дитер Флик аввалроқ ўзининг жуда узоқ йиллар давомида мураббийлик қилиш нияти йўқлигини айтган эди. Унинг «Барселона» билан тузган шартномаси 2028 йил ёзига қадар мўлжалланган.