"Барселона" Испания кубоги форматини ўзгартирмоқчи

Каталониянинг “Барселона” клуби Испания футбол федерациясига мамлакат кубоги форматини ўзгартириш бўйича ўз таклифини билдирди.

Айтиш лозимки мусобақанинг ҳозирги форматига кўра ўйинлар 1/16 финал босқичидан бошлаб уй-сафар тизимида ўтказилиб келинмоқда. Каталонияликларнинг фикрича эса бундан ҳеч қандай маъно йўқ ва шу боис улар ушбу учрашувларни фақат битта ўйиндан иборат қилиш керак деб ҳисоблашмоқда.

Бундан ташқари “Барселона” Испания Суперкубоги учун ўтказиладиган 2та баҳсни ҳам биттага айлантириш тарафдори бўлмоқда.

“Барселона” шунингдек кубок финалини хориж мамлакатларида ўтказишни таклиф қилмоқда. Таъкидлаш лозимки, сўнгги йилларда Франция ҳамда Италияда кубок финалларини чет мамлакатларида ташкил этиш анъанага айланиб бормоқда.

Эслатиб ўтамиз, "Барселона" жорий мавсум Испания кубоги финалида "Севилья"га қарши кураш олиб боради.