“Барселона” жаҳон чемпионини олиб келади

“Барселона” бош мураббийи Хави Эрнандес таркибни кучайтириш режасини тузмоқда. Маълумотларга кўра, каталонияликлар таянч ҳудудни кучайтириши талаб этилади.

Хави Эрнендес бу позициясига “Бетис” ярим ҳимоячиси Гидо Родригесни танлаган. Бу футболчи ўтган йили Аргентина терма жамоаси сафида жаҳон чемпиони бўлди.

Родригеснинг шартномаси жорий мавсум охирида якунланади. Агар футболчи клуб билан келишувни узайтирмаса, “Барселона”ни уни бепул трансфер қилиш имконини қўлга киритади.

“Бетис” раҳбарияти эса, 29 ёшли футболчи эркин агентга айланмасидан уни қишки трансферлар ойнаси очилиши билан сотиб юборишни режалаштирмоқда.