"Барселона" мухлислари Бенземани мақташди
"Барселона" мухлисларидан кутилмаган қарор
«Реал» собиқ ҳужумчиси Карим Бензема кутилмаганда «Барселона» ишқибозларидан мақтов эшитди. Бу ҳақда Touchline нашри хабар берди.
Манбага кўра, бунга сабаб – француз футболчисининг йилнинг энг яхши ёш ўйинчиси учун овоз беришдаги танлови бўлган. Бензема бу номинацияда «Барселона»нинг икки ёш юлдузи – Ламин Ямал ва Пау Кубарсини қўллаб-қувватлади. У овоз беришда Кубарсини 2-ўринга, Ямални эса 1-ўринга қўйган.
Каталония клуби мухлислари Бенземанинг бу қарорини юқори баҳолаб, унинг шахсий қарашларидан устун равишда холис фикр юритганини таъкидлашди. Уларга кўра, Карим рақиб клуб ўйинчилари бўлса-да, муносиб деб билган номзодларга овоз бергани билан ҳурмат қозонди.
Эслатиб ўтамиз, якуний натижаларга кўра, Ламин Ямал йилнинг энг яхши ёш ўйинчиси деб топилди, Пау Кубарси эса 2-ўринни эгаллади.
Изоҳлар (0)