«Барселона»нинг муҳим трансфери амалга ошмади

«Барселона» Бернарду Силвани олиб келиш режасини амалга ошира олмади. Томонлар музокаралар давомида ўзаро келишувга эриша олмагани ҳақида Каталония нашри - 3Cat хабар берди.

Энди португалиялик яримҳимоячи учун энг реал вариант сифатида Мадриднинг «Атлетико» жамоаси кўрилмоқда. Манбаларга кўра, клуб ва футболчи ўртасидаги музокаралар якуний босқичга кирган, келишувга эришиш яқин.

Аввалроқ Бернарду Силвага «Реал» ҳам қизиқиш билдирган эди. Бироқ ҳозирги пайтда «қироллик клуби» бошқа номзодларга устувор аҳамият бермоқда, португалиялик футболчи эса уларнинг трансфер рўйхатида орқа планга сурилган.