"Барселона" қарорини ўзгартирди

"Барселона" Рональд Араухонинг трансферини блоклаши кутиляпти. 

Уругвайлик футболчига "Ювентус" қизиқиш билдираётганди. Араухонинг ўзи жамоасини ўзгартириш ниятида. Клуб директорлари шу ҳафта учрашиб, эҳтимолий трансферни муҳокама қилиши кутилаётганди. 

"As" нашри хабарига кўра, келишув амалга ошишига Иниго Мартинеснинг жароҳати тўсқинлик қилиши мумкин. Испаниялик футболчи тахминан 5 ҳафтани ўтказиб юбориши мумкин. Агар текширувдан сўнг мазкур тахмин тасдиқланса, "кўк-анорранглилар" Араухони сотишдан бош тортиши мумкин. 

Яқин кунларда бўлиб ўтадиган "Барселона" спорт комиссиясининг йиғилишида Ханс-Дитер Флик бошчилигидаги мураббийлар штаби 25 ёшли футболчини олиб қолиш таклифи билан чиқиши кутилмоқда.