"Барселона" раҳбарияти Мессига нималар ваъда қилмоқда?
Ҳаммаси тез орада маълум бўлади.
"Барселона" раҳбарияти жамоа сардори Лионель Месси билан амалдаги шартномани узайтириш бўйича музокаралар олиб бормоқда.
Mundo Deportivo нашри тарқатган хабарга кўра, каталонияликлар 33 ёшли аргентиналик футболчига янги шартнома таклиф қилишган. Унда Мессининг маоши камайиши кўрсатилган. Аммо жамоа молиявий инқироздан чиқиб кетиши билан унинг маошини оширишга ваъда беришган.
Бундан ташқари, Леога фаолиятини якунлаганидан сўнг “Барселона” элчиси лавозимини бериш ҳам ваъда қлинмоқда. Айтиш керакки, томонлар ўртасидаги келишув июнь ойида ўз ниҳоясига етади.
Лионель Месси жорий мавсум "Барселона" сафида жами 39 та ўйинда майдонга тушди. У ушбу учрашувларда ўз ҳисобига 29 та гол ҳамда 13 та голли узатма ёздириб қўйишга эришди.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар