Туриннинг "Ювентус" клуби ҳужумчиси Пауло Дибала фаолиятини "Барселона"да давом эттириши мумкин. Бу ҳақда Mundo Deportivo нашри хабар тарқатмоқда.
Юқоридаги манбаанинг маълум қилишича 23 ёшли аргентиналик футболчига "Барселона"дан ташқари "Реал" ҳам жиддий қизиқиш билдирмоқда. Аввалроқ, айнан мадридликларнинг қизиқиши сабаб Дибала "Ювентус" билан шартномани узайтириш борасидаги музокараларни тўхтатиб қўйгани ҳақида хабарлар тарқатилган эди. Аммо, 2021 йилга қадар тузилган шартнома ҳам Дибалани икки испан клубини ниятидан қайтара олмаслиги мумкин.
Маълумот учун, Дибала ушбу мавсум А Серияда 14та учрашувда майдонга тушган ва ўз ҳисобига 4та гол ёздириб қўйишга эришган.