“Барселона”да Мессининг қайтишига қаршилар бор

ПСЖ ҳужумчиси Лионель Мессининг келажаги мавҳум бўлиб турибди. Аргентиналик юлдузнинг парижликлар билан шартномаси мавсум охирида якунланади.

Париж клуби Мессига янги шартнома беришга тайёр. Ўз навбатида, “Барселона” ўзи тарбиялаган юлдузни ортга қайтариш йўлларини қидирмоқда.

Каталония клуби келажакда Мессидан клубнинг элчиси сифатида фойдаланишни режалаштиряпти ва бунинг учун “Камп Ноу”да шарафлаш маросимини ташкил қилиб, Мессини олиб келишмоқчи.

Жамоа бош мураббийи Хави дўстини “Барса”да тўп тепишини истаяпти. Лекин клубнинг айрим мутасаддилари энди аргентиналик юлдуз жамоанинг ўйин моделига мос тушмаслигидан хавотирда. Қолаверса, клуб ҳали ҳам Мессининг маошини кўтарадиган имкониятга эга эмас.

Месси келажагини жаҳон чемпионатидан сўнг ҳал қилишини айтган.