“Барселона”дан Фликка хушхабар

“Барселона” раҳбарияти бош мураббий Ханс-Дитер Флик билан амалдаги меҳнат шартномасини узайтиришга қарор қилди.

Sport.es сайтининг маълум қилишича, каталонияликлар германиялик мутахассис билан ҳамкорликни узайтириш борасида иш олиб бормоқда.

Фликнинг амалдаги келишуви 2026 йилнинг ярмигача тузилган эди.

“Барселона” хўжайинлари жамоа Флик қўл остида Испания Суперкубогида ашаддий рақиб – “Реал”ни йирик ҳисобда мағлуб этганидан кейин бош мураббийга янги шартнома таклиф қилиш бўйича бир тўхтамга келган.

Клуб раҳбарияти Флик ҳамкорликни расман узайтириб, келаси мавсумга жамоали бамайлихотир тайёрлашини истаяпти.