"Бавария" Дэвисни деб катта муаммоларга дуч келди

Мюнхеннинг "Бавария" клуби канадалик ҳимоячи Альфонсо Дэвисга 22 миллион евро миқдорида бонус бергани ортидан муаммоларга дуч келди.

Хорижий ОАВларнинг хабарига кўра, бу қарор клубга икки жиҳатдан салбий таъсир кўрсатди. Биринчидан, "Бавария" келажакдаги трансферлар борасида ўзини молиявий жиҳатдан чеклаб қўйди. Иккинчидан, шартномаси якунига етаётган бошқа футболчилар Дэвисдан ўрнак олиб, клубдан катта бонуслар талаб қилишмоқда.

Маълумот учун, Дэвиснинг янги шартномаси 2030 йил 30 июньгача амал қилади. "Transfermarkt" маълумотига кўра, унинг трансфер нархи 50 миллион еврони ташкил этади.

Эслатиб ўтамиз, футболчини Мадриднинг "Реал" клуби ҳам қўлга киритишни истаган, шунинг учун "Бавария" янги шартнома бўйича Дэвиснинг талабларига рози бўлишга мажбур бўлган эди.