“Бавария” меҳмонларни ёмон кўради

Бундеслиганинг бешинчи турида “Бавария” ўз майдонида “Бохум”ни қабул қилиб, рақиб дарвозасига жавобсиз еттита тўп киритди.

Учрашув қаҳрамони хет-трикка эришган ва жамоадошларига бир жуфт голли пас узатган Ҳарри Кейн бўлди.

Статистика мутахассисларининг маълум қилишича, шу тариқа, “Бавария” ўз майдонидаги кетма-кет олтмишта учрашувда меҳмонлар дарвозасини ишғол қилиб келмоқда.

Бу каби серия “Бавария” тарихида аввал ҳам кузатилган. 1970-974 йиллар давомида бу каби серия 64 та ўйинни, 1979-1982 йилларда эса 62 та учрашувни ташкил қилган.

Мюнхен клуби футболчиларида аввалги икки кўрсаткични янгилаб, яна рекорд ўрнатиш имконияти бор. Бунинг учун улар Мюнхендаги яна бешта баҳсда гол уриши керак.