“Bavariya” mehmonlarni yomon ko‘radi

Bundesliganing beshinchi turida “Bavariya” o‘z maydonida “Boxum”ni qabul qilib, raqib darvozasiga javobsiz ettita to‘p kiritdi.

Uchrashuv qahramoni xet-trikka erishgan va jamoadoshlariga bir juft golli pas uzatgan Harri Keyn bo‘ldi.

Statistika mutaxassislarining ma’lum qilishicha, shu tariqa, “Bavariya” o‘z maydonidagi ketma-ket oltmishta uchrashuvda mehmonlar darvozasini ishg‘ol qilib kelmoqda.

Bu kabi seriya “Bavariya” tarixida avval ham kuzatilgan. 1970-974 yillar davomida bu kabi seriya 64 ta o‘yinni, 1979-1982 yillarda esa 62 ta uchrashuvni tashkil qilgan.

Myunxen klubi futbolchilarida avvalgi ikki ko‘rsatkichni yangilab, yana rekord o‘rnatish imkoniyati bor. Buning uchun ular Myunxendagi yana beshta bahsda gol urishi kerak.