"Бавария" мураббийлар штабида ўзгариш бўлди

"Бавария" клуби собиқ  дарвозабони Том Штарке клубнинг асосий жамоасидаги дарвозабонларни шуғуллантиради. 37 ёшли кипер ёзда иккинчи марта фаолиятини якунлаганлигини айтган ва ёшлар жамоасида дарвозабонлар мураббийи сифатида ишлаб келаётган эди.

"Том яна биз билан", - деди "Бавария" бош мураббийи Нико Ковач.

Штарке бу вазифада ишлаб келаётган Тони Тапаловичнинг ўрнини эгаллади. 38 ёшли хорватиялик мутахассис машғулотлар вақтида жароҳат олган ва ишини давом эттира олмаслигини баён этган эди.

Эслатиб ўтамиз, Штарке 2017 йилда фаолиятини якунлаганлигини эълон қилган, аммо Мануэль Нойер жиддий жароҳат олгач, яна қадрдон жамоасига қайтган эди.

Фикрлар

Фикр қолдириш учун авторизациядан ўтинг!