Беларусь гўзали чорак финал остонасига чиқди

Беларуслик Арина Соболенко Чарльстон шаҳрида ўтаётган мусобақанинг яккалик баҳслари учинчи даврасига чиқиб олди.

Арина иккинчи босқичида украиналик Катерина Козловага қарши кортга чиқди. Уч сет давом этган ўйинда беларуслик теннисчи 3:6, 6:3, 6:3 ҳисобида зафар қучди. 

Шу тариқа "Volvo Car Open"нинг чорак финал йўлланмаси учун ўтадиган ўйинда Соболенко пуэрториколик Моникой Пюиг билан куч синашадиган бўлди.