Беллингем жароҳат олди

Жуд Беллингем елкаси чиқиб кетган ва Чемпионлар лигасида "Брага"га қарши ўйнамаслиги мумкин.

"Реал" ярим ҳимоячиси Ла Лига доирасида "Райо Вальекано"га қарши ўйинда (0:0) елкасидан жароҳат олди.

Текширув натижасида англияликнинг чап елкаси чиқиб кетгани аниқланган. Учрашувдан сўнг Жуденинг елкасидаги оғриқ кучайган.

Жароҳат унчалик жиддий эмаслиги маълум бўлди, аммо ярим ҳимоячининг 8 ноябр куни "Брага" билан Чемпионлар лигаси ўйинида иштирок этиши сўроқ остида. Мадриднинг мураббийлар штаби Беллингемнинг иштироки ҳақида эртага қарор қабул қилади.