Беллингем рақиб жамоа мураббийини мақтади

"Реал Мадрид" ярим ҳимоячиси Жуд Беллингем "Барселона"нинг Испания Суперкубогидаги ўйинидан ҳайратда қолди. Бу ҳақда "Catradio Esports" хабар бермоқда.

Таъкидланишича, "Эл-класико"даги йирик мағлубиятдан сўнг, Беллингем Ханс-Дитер Фликнинг "Барселона"даги мураббийликдаги ҳаракатлардан ҳайратда қолган. Хавбекнинг сўзларига кўра, "Реал" ва "Барселона" ўртасидаги фарқ шундаки, "кўк-анорранглилар" майдонда нима қилиш кераклигини аниқ тушунишади.

Эслатиб ўтамиз, Испания Суперкубоги финали "Барселона"нинг 5:2 ҳисобидаги ғалабаси билан якунланди. Айни пайтда "қаймоқранглилар" Ла Лигада етакчилик қилмоқда, каталонияликлар эса учинчи ўринда бормоқда.