Беллингем "Реал"га шарт қўйди

«Реал»нинг англиялик ярим ҳимоячиси Жуд Беллингем клуб раҳбариятидан маошини кўтаришни сўрагани маълум бўлди.

Журналист Авраам Ромеромнинг хабар беришича, Беллингем ўз иш ҳақи миқдорини Килиан Мбаппе ва Винисиус Жуниор даражасига яқинлаштиришни истамоқда. 

Яқин кунларда футболчининг агентлари «Реал» раҳбарияти билан янги шартнома бўйича музокараларни бошлаши кутилмоқда.

Манбаларга кўра, мадридликлар шартномани яхшиланган шартлар асосида узайтириш масаласини кўриб чиқишга тайёр.