Беллингемга ПСЖ қизиқмоқда

Дортмунднинг "Боруссия" клуби хавбеги Жоб Беллингем фаолиятини Францияда давом эттириши мумкин.

"The Mirror" нашри берган хабарларга кўра, англиялик ярим ҳимоячи  "асаларилар"нинг асосий таркибида барқарор ўйнай олмаётгани сабаб жамоасини ўзгартириши мумкин. 20 ёшли футболчини Франция гранди ПСЖ ўз сафига қўшиб олиши мумкин. Лекин дортмундликлар ўз футболчисини фақат ижарага бериш вариантини кўриб чиқмоқда. Аввалроқ, Жоб Беллингем Англияга қайтиши ҳақида миш-мишлар тарқалган эди. Футболчининг нархи 30 миллион еврога баҳоланмоқда. 

Эслатиб ўтамиз, ."Боруссия Дортмунд" Беллингемни шу йилнинг ёзида 30 миллион евродан кўпроқ тўлаб "Сандерленд"дан сотиб олган эди.