Бернарду Силва «Барселона»га ўтмайди

Португалиялик ярим ҳимоячи Бернарду Силванинг «Барселона»га ўтиши амалга ошмайдиган бўлди. Каталония нашри 3Cat хабарига кўра, клуб ва футболчи вакиллари ўзаро келишувга эриша олмаган.
 

«Барселона» билан музокаралар барбод бўлганидан сўнг, Силванинг энг эҳтимолий янги манзили сифатида Мадриднинг «Атлетико» жамоаси тилга олинмоқда. Манба маълумотича, томонлар потенциал трансфер шартларини муҳокама қилишнинг якуний босқичига кирган ва келишувга жуда яқин турибди.
 

Аввалроқ, Бернарду Силвага Мадриднинг «Реал» клуби ҳам қизиқиш билдиргани ҳақида хабарлар тарқалган эди. Бироқ ҳозирча унинг «қироллик клуби» сафига қўшилиши кам эҳтимолли вариант сифатида баҳоланмоқда ва кун тартибидан деярли чиқиб кетган.
 

Бернарду Силва ўтган мавсум Англия чемпионатида 38 та ўйинда майдонга тушиб, икки бор гол урди ва тўртта голли узатма муаллифига айланди.