Besh yulduz La Ligaga bepul kelmoqchi

Evropa futbolida bir necha yulduzlarning klublar bilan shartnomasi yakunlanish arafasida turibdi. Ular orasida faoliyatini Ispaniya chempionatida davom ettirishni istayotganlar ham bor. 

Bu holatda “Real” va “Barselona”ning kuchli futbolchilarni bepul qo‘lga kiritish imkoniyati yuqori hisoblanadi. 

Trent Aleksander-Arnold:
O‘ng qanot himoyasida eng zo‘r o‘yinchilardan hisoblangan Trent “Real” bilan og‘zaki kelishuvga erishgani haqida ma’lumotlar tarqatildi. Bu futbolchi madridliklar uchun strategik ahamiyatga ega. Madridliklar bu o‘yinchini bepul qo‘lga kiritmoqda. 

Jonatan Ta:
“Bayer”ning o‘z tarixida ilk bor Bundesliga chempioni bo‘lishiga katta hissa qo‘shgan Jonatan Ta “Barselona”da to‘p tepishni rejalashtiryapti. Kataloniyaliklar ham uni kutmoqda. 

Adama Traore:
“Fulxem” bilan shartnomasi yakunlanayotgan baquvvat futbolchi faoliyatini “Vilyarreal” yoki “Real Sosedad” klubida davom ettirishga tayyor. 

Serxio Regilon:
“Tottenxem”ning chap qanot himoyachisi ham o‘z yurtiga qaytishga qaror qildi. Kelasi mavsum uni “Sevilya” yoki “Xetafe”da ko‘rishimiz ehtimoli katta. 

Junior Firpo:
“Lids Yunayted”dagi faoliyatini yakunlashga yaqin turgan Junior Firpo agar favqulodda o‘zgarishlar yuz bermasa, yozda “Betis” tarkibiga qo‘shiladi.