"Бетис" Антонини жамоада олиб қолмоқчи

Испаниянинг "Бетис" клуби жамоа вингери Антони бўйича қарор қабул қилди.

"The Telegraph" нашрининг хабар қилишича, Ла Лига клуби бразилиялик футболчининг ижара муддатини яна бир йилга - 2025/2026 йилги мавсумгача узайтирмоқчи. Ҳозирда "Бетис" шу кўринишдаги таклиф тайёрламоқда.

Антони январь ойида "Бетис" сафига ижара асосида келиб қўшилган эди. Ўшандан бери у 18 та ўйинда иштирок этиб, бешта гол урди ва тўртта голли узатмага муаллифлик қилди.

Манбанинг таъкидлашича, "Бетис" Антонини сотиб олиш имкониятига эга эмас, шу боис ижара муддатини узайтиришга интилмоқда. Ҳозирда испан клуби 25 ёшли футболчига унинг "Манчестер Юнайтед" билан тузган шартномасида кўрсатилган маошининг 84 фоизини тўлаяпти. "Бетис" айни пайтда Ла Лига турнир жадвалида бешинчи ўринда турубди.