Биз кутган Токио ва кутилмаган натижаларга бой бўлган бокс мусобақалари тахлили
Хусусан, бокс мусобақалари барчанинг эътиборида кун мавзуси бўлиб турибди. Рио Олимпиадасидаги натижалар 3 олтин, 2 кумуш ва 2 бронзани ташкил этган бўлса, ҳозир чорак финал босқичига етиб келган боксчиларимиз ўтган сафарги медаллар сонидан ҳам камроқ бўлиб турибди. Мусобақада ўз иштирокини давом эттираётган боксчиларимиз, булар қизлар ўртасида -60 кг вазнда Райҳона Қодирова, эркаклар ўртасида -52 кг вазнда Шаҳобиддин Зоиров, -63 кгда Элнур Абдураимов ва +91 кг вазнда Баҳодир Жалолов. Бир қанча боксчиларимиз эса мусобақани эрта якунлашди.
Мағлубиятлар ниманинг ҳисобига?
-57 кг вазнда амалдаги жаҳон чемпиони ҳисобланган Миразизбек Мирзахалилов ўзининг илк жангида ирландлиялик Уокер Курт билан тўқнаш келди. Мирзахалилов ўз услубида жанг олиб борди. Одатда, у жангларида 1-раундда имкон бериб, 2 ва 3-раундларда рақибини янчиб ташлар эди. Куртга қарши жанг ҳам шундай бўлди. Аммо Мирзахалилов ҳакамлик фактори сабаб имкониятни бой берди. Шу билан биргаликда, Миразизда ҳам ҳимояда хатолар кўзга ташланди.
Услуби сабаб кўп танқидга учрайдиган боксчиларимиздан бири -69 кг вазнда иштирок этган Бобоусмон Ботуровнинг ҳам рақиби анойилардан эмас эди. Нимчорак финал босқичида Европа минтақавий квалификацион турнири ғолиби, жаҳон чемпионати кумуш медалчиси британиялик Пет Маккормакка кутилганидек имкониятни бой берди. У услуб жиҳатдан жуда ноқулай боксчи, шу билан бирга Маккормак анча кучли рақиб эди. Бобоусмон олдинги жангига нисбатан яхшироқ ҳаракат қилди, лекин барибир даража жиҳатидан Маккормак кучли эди. Якунда Маккормак финал босқичида чемпионлик учун жанг қилиши унинг даражасини кўрсатиб турибди.
Фанат Қаҳрамонов -75 кг вазн тоифасида 1-жангида ғалаба билан мусобақаларга киришгани барчамизни хурсанд қилгани шубҳасиз. Унинг нимчорак финалда рақиби қозоғистонлик Абилхан Аманкул бўлиши эса, бу хурсандчилик узоққа чўзилмаслигига бир ишора бўлди. Жангнинг биринчи раундида Фанат рақибидан яхшигина устунлик қилди ва бир қатор кучли зарбалар билан Аманкулни сийлаган ҳолда ҳакамлар ҳисобида ҳам ўз устунлигини таъминлади. Иккинчи раундни ҳам яхши бошлаган Қаҳрамонов тўсатдан чап қўл тўғридан келган кучли зарбадан қалқиди ва ҳисоб очилди. Шундан сўнг у “ўчиб қолди” ва раундни бой берди. Жангнинг қолган қисмини катта устунлик билан ўтказган Аманкул эса натижани ҳам ўз фойдасига ҳал қилди.
-81 кг вазн тоифасида ёш боксчимиз жаҳон чемпионати кумуш медалчиси Дилшодбек Рўзметов иккинчи саралаш босқичида анчагина кучли рақиб - Европа чемпиони, квалификацион турнир ғолиби асли кубалик бўлган Озарбайжон боксчиси Альфонсо Домингес билан тўқнаш келди. Рўзметовнинг ушбу рақибни мағлуб этиш учун потенциали етарли эди, аммо ўша куни у ўз даражасида жанг қилмади. Рўзметов Альфонсони олдин ҳам мағлуб этган. Улар 2019 йилги жаҳон чемпионатида тўқнаш келган ва Дилшодбек ғалаба қозонган. Бу сафар 1-раундда ҳам ғалаба қозонгандай кўринди-ю, яна ҳакамлар устунликни рақибга бергач, руҳияти тушиб кетди ва кейинги раундларда ҳақли мағлуб бўлди. Бу жангда унга руҳият етишмади, десак муболаға бўлмайди. Альфонсо эса якунда ярим финалга қадар етиб бориб, бронза медали эгасига айланди.
Кўпгина эътирозларга сабаб бўлиб келаётган -91 кгли боксчимиз Санжар Турсунов эса мусобақанинг илк кунидаёқ жазоирлик Бенчабла Абделхафид билан тўқнаш келди ва 1:4 ҳисобида имкониятни бой берди. Бир неча йиллардан бери Ўзбекистон чемпионлигини ҳам қўлга кирита олмаётган Турсуновдан кўпчилик медаль кутмаган бўлса ҳам ажаб эмас. Аммо Олимпия ўйинлари илк жангидаёқ, номдор бўлмаган рақибга имкониятни бой бериши мухлисларга ёқмагани аниқ. Абделхафид тўсиғидан ўтганида уни амалдаги жаҳон чемпиони Россия Олимпия байроғи остида ҳаракат қилаётган Муслим Гажимагомедов кутиб турган эди. Жаҳон чемпионига мағлуб бўлган тақдирда ҳам алам қилмаган бўлар эди...
Қизларимиз Олимпия ўйинларида илк бора ғалабали жанглар тақдим этишди
Қизлар ўртасида 3 нафар лицензия қўлга киритилган эди. Сўнгги йилларда қизлар боксида ҳам бирмунча ижобий ўзгаришлар рўй бермоқда.
Мусобақанинг илк кунида -69 кгда баҳсларга киришган Шаҳноза Юнусова польшалик Каролин Козевскига имкониятни бой берди. Тарихий ғалабани эса бизга -51 кгда иштирок этган Турсуной Раҳимова тақдим этди. У ҳам Польша вакиласи Сандра Драбик билан куч синашиб, рақибини 4:1 ҳисобида ғалабага эришди. Нимчорак финал босқичида унга 1-рақам остида сараланган туркиялик кучли рақиб Бусе Наз Чақироглу рақиб бўлди. Дастлабки раундда фаолроқ ҳаракат қилган Раҳимова ҳакамларни ҳам бунга ишонтира олди. Иккинчи ва учинчи раундларда ҳам туркиялик боксчига етарлича қаршилик кўрсатган бўлишига қарамай, 5 нафар ҳакамларнинг 3 таси рақиб устунлигини қайд этди ва у ҳам ҳакамларнинг шубҳали қарори сабаб мусобақада иштирокини якунлади.
-60 кг вазн тоифасида ғолиблик сари одимлаётган Райҳона Қодирова Конго Демократик Республикаси вакиласи Наоми Юмбага ҳеч қандай имконият қолдирмади. У 3 август куни чорак финал босқичида кучли рақиб, бразилиялик жаҳон чемпиони Беатриз Феррера тўсиғидан ўтиши керак бўлади.
Жалолов бронза медалини нақд қилди. Энди навбат Зоиров ва Абдураимовга
Амалдаги Олимпиада чемпиони, жаҳон чемпиони номдор боксчимиз Шаҳобиддин Зоиров нимчорак финал босқичида Кабо-Верде вакили Даниэль Вареладан устун эканини яққол намоён қилиб, кейинги босқичга йўл олди. Унга 3 август куни ярим финал учун жангда филиппинлик чарм қўлқоп устаси Карло Палам рақиблик қилади.
-60 кг вазн тоифасида Элнур Абдураимов дастлабки икки жангида кетма-кет Осиё чемпионлари Батарсухин Чинзориг ва Баҳодир Усмоновни мусобақадан чиқариб юборди. Унга 3 август куни бўладиган навбатдаги жангида икки карра Европа чемпиони Ованис Бачков (Арманистон) рақиблик қилади.
+91 кгда яққол фаворит дея эътироф этилган Баҳодир Жалолов чорак финал жангини ўтказди. Жалоловга Ҳиндистон вакили Сатиш Кумар қаршилик кўрсатишга ҳаракат қилди. 5:0 ҳисобида ғалаба қозонган Жалолов ўзи учун камида бронза медалини нақд қилиб, ярим финалда британиялик Ферезер Кларкка қарши рингга кўтариладиган бўлди. Бу вазндаги ярим финал баҳслари 4 август куни бўлиб ўтади.
Жалол Ахмедов тайёрлади
Жалоловнинг промоутери Лоу ДиБелла ундан олтин медаль кутмоқда
Фикрлар
Аслида бокисимиз ҳақидаги дастлабки танқидий таҳлилий мавзуда гарчи футболга ихтисослашган бўлсада
Чемпионат.Азия сайтида
мақолалар эълон қилинди, мухлислар бунга керагича ўз фикр ва мулоҳазаларини билдириб ўтишди. Мен эътиборни тортган айрим мухлислар келтириб ўтган тўғри фикирларини фактларини ва ўзимнинг айрим шахсий фикрларимни, саволларимни, мени 1 неча кунлардан буён қийнаб келаётган фикр мулохазаларни ва саволларимни ёзаман ва йўллайман.
1 Мухлисимиз ёзганидек 1-факт 69 кг.да Бобоусмон Ботуров 2 маротаба ютқазган Пет Маккормакни Шахрам Ғиёсов 2017 йил Бокс ЖЧ.да Германиянинг Гамбург шахрида ютган. Шунингдек ўзим ҳам Youtub да кўрдим спарингда ҳам Шахрам билан жангида Бобоусмонда техникаси йўқ, олдинга борган, Шахрам аниқ жанг қилиб очколарни терган. Қолаверса Бобо шу йилги Ўзбекистон чемпионатида Жавлон ва Халимбек Утагеновга ютқазувди хакамлар бобога беришовди. Лекин ўйлаб қарасак Бобони доимо Тўлқин Қиличов олиб чиқади. Шахрамни Равшан Ходжаев сабаби балким шудир, Бобони олимпиядага бориши Т.Қиличовга манфаати бўлгандир... ёки юқоридан буйруқ шундайдир...
2-Факт 75 кг.да Фанат Қахрамонов 2 маротаба ютқазган Қозоғистонлик Аманқулни Саиджамшид шу йил Осиё чемпионатида ютган эди.
Ҳамма билади Охирги 2та Ўзбекистон чемпионатида Фанат 2020 йилда Одилжон Аслоновга ютқазган бўлса, 2021-йилда Саиджамшид Жаъфаровга ютқазган. Яна битта сабабини айтаман Фанатни Тўлқин Қиличов, Саиджамшид ва Одилжонни мурабийи Хамза Авезов эди.
3-факт 91кг.да 2020-йилда Санжар Турсуновни Ўзбекистон Чемпионатида Жамшид Абдуллаев мешок қилиб урган бўлса, 2021-йилда Мадиёр финалда Санжардан устун келган. Шу ўринда савол тўғилади қайси ақил билан Санжар Турсунов Лицензия турнирига олиб борилди???? Ахир Санжар ўзбекиистонда 91 кг.да 5-рақамли боксчи ю. Қандай қилиб олимпиядада жахонда медал олсин.
Аслида Ўзбекистонга ўтган осиё чемпионатида хам ҳамма боксчимиз чемпион бўлганида санжар ютқазиб қўйганди, 1гина Санжар ютқазган.
Бу фактлардан барчаси аён бўлиб кўриниб турибдики, бизда адолат деган нарсадан ному нишон йўқ. Ватан шаънини, ору номусни бошқа нарсаларга осонгина алмаштириб юбораверишар эканда....
Агарда танловда тўғри бўлганимизда ишонаверинг биз Рио 2016 дагидан ҳам яхшироқ натижаларни қўлга киритар, ва ўз позитциямизни сақлаб қолган бўлар эдик. Ҳақиқий кучли чемпионларимизни олиб кетмадик. Шунга яраша натижа ҳам йўқ бўлмоқда. Ҳозирда 4нафари қолди. Лекин умумжамоа ҳисобида анча пастладик. Ақл билан, адолат билан иш кўрилмади, кимларнингдир ноғорасига роса ўйналди. Дунё устумиздан кулмоқда.Барига ўзимизнинг ичкарида бўладиган ўйинлар сабаб. Биз 8 та вазнда энг кучлиларни этканимизда эди, Миразизга ўҳшаган 1 та 2 та балким 3 тасига борингки адолатсизлик бўларди диейлик 1/2 финалгача қолганлари ютарди аниқ.
Айб ўзимизнинг ичкарида Чемпионларимиз қолиб кетиб, 3-4-5даражадагилар этилди ва улар бориб қовунларини туширишди.
Вақтида зўрларни ватан шани учун кимлигига қарамасдан олиб кетилганида эди, биласизми бизда кимлар бор Эди 1 эътибор беринг Шахрам Ғиёсов, Исроил Мадримов, Иқболган Ҳолдоров, Қолиб кетган Ўзбекистон чемпионлари Саиджамшид Жафаров, Одилжон Аслонов, Жамшид Абдуллаев, Мадиёр... эҳе улар кўп давом эттирса. Ҳуллас қайтиб келишса қандай натижа бўлишидан қатийй назар хозирги холатимизда максимал натижа 4 та олтин олсак ҳам юқоридаги ҳолатлар юзасидан муҳлислар қаршисига матбуот орқали МОҚ вакили, Тўлқин Қиличов ва Катта мурабий Марат Қурбоновлар Жавоб беришларини кутиб қоламиз...
Энди шу юқоридаги ҳолатни футбол мисолида бир ўйлаб кўрайлик қандай бўлар экан.
Тасаввур қилайлик Пахтакор ва Насаф 1-чемпион Ўзб.да Бири Ўзбекистон Кубиги сохиби бўлиб ОЧЛга берилган 2 та йўлланмани йил давомида курашиб ютиб олди. Лекин келаси мавсум уларнинг ўрнига 5-ўринни олган Металург ва 6-бўлган Сурхон борса бу қандай бўларди ва туюларди. Футбол мухлислари бунга кўнармиди. Бу спорт пренципларига тўғри келармиди. Боксимиздаги холат ҳозир худди шунга ўҳшаш вазиятда турибди. Нима бўлган тақдирда ҳам расмийлардан ўхшамаган ишлари, натижалар учун жавоб беришларини биз оддий мухлислар, ҳалқ кутиб қоламиз...