Бизга Холанд керакмас, ўзимизда зўри бор!

Англия премьер-лигаси «Манчестер Сити»ни молиявий қоидаларни бузишда айблагани ортидан жамоа етакчилари клубни тарк этиши мумкинлиги ҳақида турли хабарлар пайдо бўлди. 

Шу шароитда журналистлар «Бавария» бош директори Ян-Кристиан Дризендан мюнхенликларга юлдуз ҳужумчи Эрлинг Холанд керакми-йўқми, деган савол билан мурожаат қилишди.

«Бизда дунёдаги энг яхши ҳужумчи – Ҳарри Кейн бор. Шунингдек, Европадаги энг кучли ҳужум чизиғига эгамиз. Шу боис бу масалани умуман кўриб чиқишга ҳожат йўқ», – дея Дризеннинг сўзларини келтиради Die Welt нашри.

Эслатиб ўтамиз, жорий мавсумда норвегиялик форвард «Манчестер Сити» таркибида 12 та ўйинда майдонга тушиб, 13 та гол урди. Transfermarkt портали Холанннинг трансфер қийматини 220 миллион евро атрофида баҳоламоқда.