Boks. Hamyurtimizni to‘xtata olishmadi!

Ayni paytda Rossiya Federatsiyasining Ufa shahrida joylashgan "Wrestling Palace" majmuasida IBA PRO 3 professional boks oqshomi bo‘lib o‘tmoqda.

Hozirgina o‘zbekistonlik charm qo‘lqop ustasi Havasbek Asadullaevning jangi yakunlandi. Mezbonlar vakili Alan Xugaevga qarshi bahs olib borgan hamyurtimiz yakunda g‘alabani qo‘lga kiritdi.

To‘liq 6 raund davom etgan qarama-qarshilikda Asadullaev hakamlarning yakdil qaroriga ko‘ra zafar quchdi.

Ma’lumot uchun, bu jang Havasbek  uchun professional faoliyatidagi to‘rtinchisi bo‘ldi. Vakilimiz hozirga qadar g‘alabali seriya qayd etib kelmoqda.