Бокс. От ўрнини той босар!

28 ёшли Конор Бенн ва 35 ёшли кичик Крис Эубанк Турки Аль аш-Шайхнинг бевосита воситачилигида жорий йилнинг апрель ва декабрь ойларида иккита жанг ўтказиш учун шартнома имзолади. Британиялик машҳур боксчиларнинг ўғиллари Найжел Бенн ва Крис Юбанк бошлаган қарама-қаршиликни энди улар давом эттиради.

Иккиси ўртасидаги баҳс 2022 йилда бўлиб ўтиши керак эди ва бу ҳаммада катта қизиқиш уйғотганди, бироқ Беннинг ижобий тести жангнинг бекор қилинишига олиб келди. Бироз вақт ўтиб, Конор Буюк Британиядаги бокс лицензиясини қайтариб олди.

Маълумот учун, декабрь ойидаги тўқнашув биринчи жанг натижаси билан боғлиқ бўлмайди. "The Ring" хабарига кўра,икки баҳсдан бири 62 000 мухлисни сиғдира оладиган "Тоттенхэм" футбол клубининг уй стадионида ўтказилиши режалаштирилган.