Bokschi qizlarimiz Osiyoni "titratdi"

Jakartada (Indoneziya) ayollar oʻrtasida 19 va 23 yoshgacha boʻlgan bokschilar ishtirokidagi 2026 yildgi Osiyo chempionati yakunlandi.

23 yoshgacha boʻlgan sportchilar (U-23) oʻrtasidagi musobaqada umumjamoaviy hisobda Oʻzbekiston terma jamoasi mutlaq yetakchi boʻldi. Qoʻshni Qozogʻiston ikkinchi oʻrinni egallagan boʻlsa, uchinchi pogʻonaga Hindiston jamoasi koʻtarildi. Medallar taqsimoti quyidagicha shakllandi:

1. Oʻzbekiston — 6-1-2 (jami 9 medal); 2. Qozogʻiston — 3-3-2 (8); 3. Hindiston — 1-4-4 (9); 4. Yaponiya — 0-1-2 (3); 5. Moʻgʻuliston — 0-1-0 (1); 6. Janubiy Koreya — 0-0-3 (3); 7. Indoneziya — 0-0-2 (2); 8. Qirgʻiziston — 0-0-1 (1); 8. Vyetnam — 0-0-1 (1).

19 yoshgacha boʻlganlar (U-19) oʻrtasida ham yetakchilar uchligi oʻzgarmadi: birinchi oʻrinni yana Oʻzbekiston, ikkinchini Qozogʻiston, uchinchi oʻrinni esa Hindiston egalladi. Ushbu yosh toifasidagi medallar taqsimoti quyidagicha:

1. Oʻzbekiston — 4-2-0 (6); 2. Qozogʻiston — 3-0-3 (6); 3. Hindiston — 2-6-0 (8); 4. Indoneziya — 1-1-0 (2); 5. Tayvan — 0-1-3 (4); 6. Yaponiya — 0-0-4 (4); 6. Vyetnam — 0-0-4 (4); 8. Qirgʻiziston — 0-0-2 (2); 9. Tailand — 0-0-1 (1); 9. Tojikiston — 0-0-1 (1); 9. Janubiy Koreya — 0-0-1 (1); 9. Moʻgʻuliston — 0-0-1 (1).

Maʼlumot uchun, Jakartada shu bilan birga erkaklar oʻrtasida 19 va 23 yoshgacha boʻlgan bokschilar ishtirokidagi Osiyo chempionati ham oʻtkazilmoqda. Ushbu musobaqada final janglari payshanba, 16 iyul kuni boʻlib oʻtadi.