Боксчи қизларимиз Осиёни "титратди"

Жакартада (Индонезия) аёллар ўртасида 19 ва 23 ёшгача бўлган боксчилар иштирокидаги 2026 йилги Осиё чемпионати якунланди.

23 ёшгача бўлган спортчилар (U-23) ўртасидаги мусобақада умумжамоавий ҳисобда Ўзбекистон терма жамоаси мутлақ етакчи бўлди. Қўшни Қозоғистон иккинчи ўринни эгаллаган бўлса, учинчи поғонага Ҳиндистон жамоаси кўтарилди. Медаллар тақсимоти қуйидагича шаклланди:

1. Ўзбекистон — 6-1-2 (жами 9 медал); 2. Қозоғистон — 3-3-2 (8); 3. Ҳиндистон — 1-4-4 (9); 4. Япония — 0-1-2 (3); 5. Мўғулистон — 0-1-0 (1); 6. Жанубий Корея — 0-0-3 (3); 7. Индонезия — 0-0-2 (2); 8. Қирғизистон — 0-0-1 (1); 8. Вьетнам — 0-0-1 (1).

19 ёшгача бўлганлар (U-19) ўртасида ҳам етакчилар учлиги ўзгармади: биринчи ўринни яна Ўзбекистон, иккинчини Қозоғистон, учинчи ўринни эса Ҳиндистон эгаллади. Ушбу ёш тоифасидаги медаллар тақсимоти қуйидагича:

1. Ўзбекистон — 4-2-0 (6); 2. Қозоғистон — 3-0-3 (6); 3. Ҳиндистон — 2-6-0 (8); 4. Индонезия — 1-1-0 (2); 5. Тайвань — 0-1-3 (4); 6. Япония — 0-0-4 (4); 6. Вьетнам — 0-0-4 (4); 8. Қирғизистон — 0-0-2 (2); 9. Таиланд — 0-0-1 (1); 9. Тожикистон — 0-0-1 (1); 9. Жанубий Корея — 0-0-1 (1); 9. Мўғулистон — 0-0-1 (1).

Маълумот учун, Жакартада шу билан бирга эркаклар ўртасида 19 ва 23 ёшгача бўлган боксчилар иштирокидаги Осиё чемпионати ҳам ўтказилмоқда. Ушбу мусобақада финал жанглари пайшанба, 16 июль куни бўлиб ўтади.