Бўлди, “Челси”дан кетаман!

“Челси”нинг испаниялик ҳимоячиси Марк Кукурелья жамоани тарк этишга қарор қилди. Daily Mirror нашрининг ёзишича, футболчи клуб раҳбарияти бу ҳақида огоҳлантирган.

“Аристократлар” бир йил олдин бу футболчини катта сумма – 65,3 миллион еврога “Брайтон”дан трансфер қилган эди.

Бироқ ёзда жамоани қабул қилиб олган Маурисио Почеттино Кукурельянинг хизматларига эҳтиёж йўқлигини таъкидлади. Аргентиналик мутахассис Англия Премьер-лигасининг дастлабки олтита учрашувида Маркни бирор маротаба ҳам майдонга туширмади.

Энди 25 ёшли ўйинчи январь ойида ўзига бошқа жамоа топмоқчи. “Челси” уни кейинчалик сотиб олиш ҳуқуқи билан ижарага бериши ҳам мумкин.